Eldrefest 25.3.15

Eldrefest Lesjaskog skule, 25.3.15. Ein unik og triveleg fest!

For åttande året på rad var alle over 67 år frå Verma til Lesjaverk inivtert til eldrefest på skula. FAU arrangerer, og skula hjelper til med ymse oppgåver. Alle elevane har noko å gjere. Dei minste bretter servietter. 2-4.klasse dekker på til 150 deltakarar, 5-7 tenkjer ut borplassering og skriv bordkort. Dette er noko av det unike med festen: 25 bord med omtrent 6 gjester på kvart bord. Alle borda skal helst vere ei god blanding av eldre, elevar og lærarar. 8-9 har mykje å gjere for dei skal både vere gjester, servere og ordne snitter saman med nokre foreldre.

Slik er gangen i festen:

10.klassingane tar i mot dei eldre og viser dei kvar dei skal sitje. Dette er ei viktig oppgåva. Det skal vere triveleg og trygt å vere gjest hjå oss.

Hilde Lieslien, FAU-leiar, fortel alle festdeltakarane kva innhald festen har, og i kva rekkjefølgje ting skal skje. Hilde er ei ryddig dame og leia festen på ein utmerka måte. Det gjer at alle frå 8-90 veit kva som skjer.

Før vi et syng vi Lesjaskogsongen. Det gjer godt å syngje i lag, og at fleire generasjonar er samla i felles song.

Vi får servert mat og drikke, som består av brødskiver med diverse pålegg, og juice, te og kaffe til drikke. Det blir som regel ikkje mykje igjen, og det er eit god teikn på at alle kosar seg. I år hadde FAU fått penger frå Alma Enstads minnefond. Det er vi takksame for!

Quiz

Alle deltar i en quiz på 15 spørsmål, det var eitt bord som hadde alt rett. Quizmaster Henrik Slettum med bordkameratar vann suverent. Han kan vere ein god quizalliert neste år. Vi vil også gjere merksame på at Ingunn Enstad er kjend som eit lokalt råskinn på quiz. Spørsmåla handla om lokale fakta, og dei var laga slik at alle kunne vere med. Det var høg konsentrasjon og god stemning under quizen. Festgeneral Lieslien var nok noko fortusta på at noko fekk alt rett.

Vi spurde to lærarar om kva dei syns om festen.

Thea:

Kva synst du om eldrefesten?

-         Eg syns festen var veldig bra. Mange flinke elevar.

Korleis opplever du eldrefesten?

-         Eg har eit veldig godt inntrykk.

Kva synst du er det beste med denne festen?

-         Det beste er nok samhaldet. At eldre og yngre kjem saman og fe prate og fortelje.

Henrik:

Kva synst du om eldrefesten?

-         Kjempefint tiltak, veldig bra jobba av alle som er med å arrangere.

Korleis opplever du eldrefesten?

-         Kjempefin, god mat og god underholdning.

Kva synst du er det beste med denne festen?

-         At unge og gamle kan møtest å ha det triveleg saman.

Rullekake må det vera!

Etter heftig hjernearbeid er det støtt godt med noko søtt. I år var det rullekaka laga av elevane i 8-9 og nokre frå mellomtrinnet.

Underhaldning

Ein stor fest kan ikkje vera utan innhald. Ungdomsskola stilte med elevar som speler i eiga band: Madeleine, Ruben, Sondre, Brage og Sigrun. Dei spela 2 låter, og dei sat som eit skot. Småskula song fint, 3-4.klasse dansa linedance og song, og heile mellomtrinnet song den finaste eg veit mellom anna.

-         Det er ei stor forandring i skula sia mi tid, seier nøgd festdeltakar Johan Inge Rønningen frå Vinstra. Hadde du stukke ein mikrofon i fjeset på oss, hadde vi ikkje takla det, seier han. Ungane no får sjølvtillit til slike oppgåver. Dette er ein alle tiders fest, og det mest morosame er å sjå elevane framføre song eller anna.

Sigrid Trøite Thøring, Lesjaverk er kjempegald for å vera over 67! –Vi blir så godt tekne vare på, seier ho med eit smil. Dette er eit godt opplegg, og det er heilheita som er så vellukka. Eg er full av beundring.

Vi spurde to elevar om kva dei tykte om eldrefesten.

Elev 7. trinn:

Kva tykkjer du om eldrefesten?

-Det er betre enn vanleg skule.

Kva tykkjer du var bra på eldrefesten i år?

-Det var bra underhaldning, god mat og flinke elever

Kva gjorde du på eldrefesten?

-Eg laga bordpynt og fann bordplassering.

Elev 10. trinn:

Kva tykkjer du om eldrefesten?

-Det er koselig og man blir kjent med mange nye menneske og det er bra at de eldre får komme og bli kjent med oss på skulen. I tillegg er det ei fin anledning til å øve på bordskikk.

Kva tykkjer du om eldrefesten i år?

-Det var god mat og bra underholdning.

Kva gjorde du på eldrefesten?

-Eg hjalp dei eldre med å finne plassane deira.

Festen varar til omtrent halv to. Folk reiser heim mette og nøgde, og ryddegjengen kan setjast i sving. Foreldra på kjøkenet får ein ekstra takk frå alle oss.